|
Written by Asif
|
|
Saturday, 18 November 2006 |
Khushbo'on ki tarha meri har saans mein,
Pyar apna basanay ka wada karo,
Rang jitnay tumhari mohabbat kay hain,
Mere dil mein sajanay ka wada karo.
Hai tumhari wafaon pay mujh ko yakeen,
Phir bhi dil chahta hai meray dil nasheen,
Yoon hi meri tasali ki khatir zara,
Mujh ko apna bananay ka wada karo.
Jab mohabbat ka iqrar kartay ho tum,
Dhadkanoon mein naya rang bhartay ho tum,
Baarha kar chukay ho, magar aaj phir,
Mujh ko apna bananay ka wada karo.
Sirf lafzoon say iqrar hota nahi,
Ik janib say hi pyar hota nahi,
Main tumhain yaad rakhnay ki khaoon kasam,
Tum mujh ko na bhulanay ka wada karo.
|
|
Last Updated ( Saturday, 16 December 2006 )
|
Shayari 
